Vīkst žemaitiū diskriminacėjė
Autorius: BūkimeVieningi.lt Šaltinis: https://bukimevieningi.lt/viks... 2020-12-19 20:57:00, skaitė 1032, komentavo 7
Valda Adamkaus prezėdėntavėma laikās važiavau su automobėlio iš Mažėikiū ī Plunge. Pravažiavus Tirkšliū miestieli pri Tirkšliū pušīna mašėnas stabdė švėntėška apsirėngės, gal 10 metū omžiaus mokslėivis. Sustuojau pavešt. Mokslėivis pasakė grīžtontis iš mokīklas švėntės nomėi ī Šerkšniėnū kaima.
Paklausiau:- „Kas per švėntė bova mokīkluo?“ Mokslėivis atsakė:- „Prezidėnts Adamkus bova atvažiaves ī mokīkla.“ Klauso vaka: – „Ir kū veikiėt per švėnte?“
Vaks sak:- „Buvuom lauke išsirikiave, o Adamkus mūmis sveikėna.“ Klauso:- “ Paspaude Prezidėntou ronka?“ Vāks sak:- Ne, muni mokītuojė pastatė ī gala. “ Klauso vaka: -“ Vo dėlkuo? “ Vāks saka:-“ Dėltuo, kad aš žemaitėška šneko. Mokītuojē bijuoj, kad Adamkus pasisveikėnės gal užkalbint muni ir mokīklā būs dėdėlė sarmata je aš atsakīsio žemaitėška.“
Tirkšliū miestielis ī biški didiesnis ī nutuolės nu Mažėikiū kuokiuos 7 km. Tėn gīvenontis vākā kap ir Mažėikiūs ī labiau paveikti lėtovėnėma politikas, daugiau aukštaičioun. Tou tarpo Šerkšnienū kaims ī mažiesnis ir nu Mažėikiū nutuolės gal kuok 15 km. Tėn gīvenontis vākā daugiause rokoujās dar žemaitėška.
Ton žinuodami mokītuojē vakūs kalbontius žemaitėška statė ī gala kad Prezidėnts anū neužkalbintom. Tuokė mūsū realībė. Vīkst žemaitiū diskriminacėjė, o līgės teisės galiuo “ vėsokīms“, tik ne žemaitēms. Istuorėjė tėkra.